كيف تشرحي (الألف المدية) لطفلك؟

دائما حاولي ان يكون شرحك لطفلك الصغير بسيط لا تنسي انه كان لا يعرف يقرأ من سنة ولا سنتين علشان كده حاولي يكون الشرح من Imageخلال لعبة أو قصة المرة دي حنستخدم قصة:

كان يا مكان ياسعد يا اكرام و ما يحلا الكلام الا بذكر النبي عليه الصلاة و السلام (و خلي طفلك يردد وراكي الصلاة على الرسول و ستجدين بعد فترة صغيرة ان لما يذكر الرسول في أي حوار يسارع بالصلاة على النبي ) كان فيه مرة حرف ال (ق) كانت رجليه واجعاه فراح محل الحروف علشان يشتري عصايا و اول ما دخل المحل قال: السلام عليكم يا عمو فرد عليه البايع: و عليكم السلام و رحمة الله و بركاته قال ق: ألاقي عند حضرتك عصايا علشان رجليا بتوجعني؟ قاله : ممم(بيفكر) عندي حرف (أ) بس علشان تاخده لازم ما يكونش عليها همزه و ما يكونش عليها أي علامة لا فتحة و لا كسرة ولا ضمة ولا سكون و الأهم من ده كله لازم تاخد أختها الصغيرة فرد ق: هي مين أخت أ الصغيرة؟ قاله: الفتحة، لازم علشان أ ترضى تيجي معاك تحط الفتحة عليك رد ق : ماشي

مشي حرف ق بالعصايا و بقى شكله عامل كده (قَا) فقابله أصحابه حرفي ب و ف و قاللوه : اذيك يا قَاااا عامل ايه يا قَااااا؟ رد عليهم : انا الحمد لله كويس بس انا اسمي ق مش قَااا قالوله: لا، طول ما أنت بعدك حرف ا والألف جاية في نص الكلمة أو في أخرها وهي مفيش أي علامة عليها لا فتحة و لا كسرة ولا ضمة ولا سكون و كمان ما فيش همزة  و انت عليك علامة الفتحة يبقى الألف دي ألف مدية  يعني لازم نمد في الصوت كده . فرد ق: وده مع كل الحروف و لا معايا أنا بس؟ قاله حرف ب: مع كل الحروف، يعني أنا مثلا لو جيبت علامة الفتحة و حطيتها عليا حبقى بَ (و تقوليها بصوت قصير) بس لما أمسك حرف الألف معايا والألف جاية في نص الكلمة أو في أخرها وهي مفيش أي علامة عليها لا فتحة و لا كسرة ولا ضمة و كمان ما فيش همزة حبقى بَاااااا(و تقوليها بصوت طويل) زي كلمة بَاب فرد ف: طب َفأس يبقى الألف مدية فرد ق: لأ طبعا قال ف: ليه؟ أنا عليا علامة الفتحة و حرف الألف جاي في نص الكلمة قاله ق: بس الألف عليها همزة و لازم مايكونش عليها حاجة يعني مثلا في كلمة َقارب الالف مدية و في كلمة أرَقام الألف الأولى ليست مدية لأنها في أول الكلمة و عليها همزة و لكن الألف الثانية مدية لأنها جاءت في نصف الكلمة و قبلها حرف مفتوح يعني عليه فتحة… و توتة توتة فرغت  ♥♥♥♥الحدوتة

About these ads
By super mammy Posted in Arabic

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s